到底點解M到要食朱古力？Lol 唔通真係m&m？非也非也。

甜食含有高熱量可以增加血液循環，減緩平滑肌嘅收縮同血管痙攣， 而帶黎緩解經痛嘅效果。 朱古力就係含有大量單糖，可令糖份快速為人體吸收，而朱古力本身亦含有咖啡因，對於女性月經期間會遇到嘅經痛丶失眠造成嘅輕微頭痛，頭重等等現象得到緩解嘅作用。

最常聽到有關朱古力嘅說法，就係唔開心嘅時候食朱古力，會令人開心一啲。因為研究指出，朱古力內含有可提高腦內血清素濃度，而腦內血清素愈多，就會讓人感到積極丶樂觀丶快樂。 甚至有報導指出有助緩解經前症候群（PMS），因此會有月經期間可以多吃些巧克力的說法。

但大家要小心朱古力嘅熱量，熱量並唔會因為經期嘅關係而減少吸收， 千祈唔好相信喺經期狂食朱古力唔會肥呢一個謬誤，多吃亦然會囤積。

如果想每月週期過得順心如意， 大家不妨考慮食多啲梅子、番茄、鳳梨、核桃，也可增加血清素，達到控制經前症候群（PMS），而且熱量唔高，真係可以狂啪唔嬲！